Le plus grande «insula de detritos»[1] del planeta ha un talia comparabile al Francia. Isto es lo que reportava Philippe Cousteau, le granfilio del explorator e defensor del oceano Jacques-Yves Cousteau, e su sposa Ashal Brock.
«Nos ha cinque immense insulas de detritos in le medio del oceano. Illos ha essite formate propter le particularitates del currentes oceanic [...] Le plastico arrivava illac ab ubique in le mondo. Le plus grande «insula de detritos» es situate in le oceano Pacific. Illo es plus grande quam le stato de Texas in le Statos Unite e ha le mesme grandor que Francia» declarava Brock.
Cousteau addeva que le major parte del insulas de detritos es composite de plastico que penetra a in le oceano ex le rivieras.
Le Grande Area de Detritos del Pacific es un accumulamento de morcellos anthropic in le oceano Pacific del nord. Iste sito contine un accumulamento de plastico e de altere detritos apportate per le aquas del systemo de currentes del Pacific del nord. Le detritos marin noce al organismos vivente in le oceano.
Establite per Philippe Cousteau, le Fundation International de Conservation EarthEcho ingagia le juvenes del tote mondo pro adjuvar a nettar le pollution plastic in le rivieras.
© MMXXIII Rich X Search. We shall prevail. All rights reserved. Rich X Search